Një fëmijë vetëm tre vjeç ka vdekur ditën e djeshme në Spitalin e qytetit të Beratit. Shkaqet e vdekljes së tij ende nuk dihen, ndërkohë që e ëma akuzon mjeken Sh.K, 65 vjeçe për mjekim të gabuar.
Fëmija ka qenë me grip, po mesa duket mjekimi në kohë vonesë apo i pasaktë mund të ketë sjellë vdekjen e tij.
DETAJET E POLICISE
Më datë 29.01.2017, filloi procedimi penal në gjendje të lirë për shtetasen:
Sh.K 65 vjeçe, banuese në Berat, me detyrë mjeke në Spitalin Rajonal të Beratit, pasi në bazë të kallëzimit të bërë nga shtetasia A.D 41 vjeçe, banues në Berat, dyshohet se fëmija e saj E.D, 3 vjeçe, ka gjetur vdekjen prej shërbimit të pakujdesshëm të mjekes.
Materialet i kaluan Prokurorisë së Rrethit Gjyqësor Berat, për veprën penale “Mjekim i pakujdesshëm”, parashikuar nga neni 96 i Kodit Penal. (E.K/SHUPLAKA)
