Një incident është shënuar sot në Shijak, ku disa persona kanë vënë lëndë plasëse në shkallët e një klinike dentare.
Mësohet se si pasojë e shpërthimit janë thyer vetëm xhamat e derës së klinikës dentare. Ngjarja ka ndodhur mbrëmjen e kaluar rreth orës 22:30, ku shpërthimi ka ndodhur në klinikën e Arlind Lala.
Ndërkohë policia ka nisur hetimet për të identifikuar dhe arrestuar autorin ose autorët.
Detajet e policisë:
Më datë 10.09.2017, rreth orës 22:30, në lagjen” Petrit Llaftiu ” Shijak , në shkallët e jashtme të klinikës dentare në pronësi të shtetasit A.L. 33 vjeç kanë vendosur dhe ka shpërthyer një sasi e vogël lënde plasëse.
Për pasojë janë thyer vetëm xhamat e derës hyrëse të klinikës dentare. Menjëherë është ngritur grupi hetimor, të cilët po punojnë për identifikimin dhe kapjen e autorit.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale” Shkatërrimi I pronës me eksploziv” parashikuar në nenin 152 të Kodit Penal. (D.D/Shuplaka)
Discussion about this post