I veshur dhe nga vajzat e Hollivudit, zbulohet çmimi marramendës i fustanit të Marinës

Një ditë pas Shën Valentinit moderatorja e njohur Marina Vjollca vendosi të shfaqet gjatë prezantimin të ‘Klanifornia’ e veshur e gjitha me të kuqe.

Bukuroshja kishte veshur një fustan në formë princeshe, te cilin e ka kombinuar me buzët në ngjyrë të kuqe dhe takat ngjyrë nude.

Ky ‘look’ i marinës ka tërhequr jo pak vëmendjen e fansave dhe miqve të saj të cilët kanë nxituar ta komplimentojnë, duke e dalluar dhe nga veshjet e tjera.

Mirëpo ky fustan ka një çmim marramendës dhe është i dizenjuar nga “Dolce & Gabbana”.

“Iconstyle.al” ka zbuluar nga një kërkim online se fustani i Marinës vlen minimumi 4 mijë dollarë.

Madje këtë fustan e kanë veshur edhe yje botërorë si Katy Perry apo Emilia Clarke.