Kandidati i vetëm për zgjedhjen e kryatarit të Akademisë së Shkancave Skënder Gjinushi deklaroi se Akademia e Shkencave nuk duhet të shikohet si vetë problemi por si partnerja kryesore e qeveriosë për rritjen e performancës duke shtuar se ky do të jetë edhe suynimi i tij në drejtimin e saj.
“Do të bëjmë të pamundur për ta kthyer n ë një mjedis intelektual dhe ristrukturim të organizuar dhe të merituar të atyre që bëjnë kërkime shkencore. Do të çojmë deri në fund reformën në Akademi dhe bashkë me të edhe reformën për kërkimin shkencor.
Reforma mundëson që ASH të ndryshojë rrënjësisht përbërjen dhe aktivitetin e saj. Ne do ta kthejmë Akademinë në një faktor që nxit realizimin e kësaj reforme dhe funksionimin e saj. Do të mundësohet përfshirja e individëve të suksesshme në këto mjedise që të ushtrojnë kërkimet e tyre dhe kontributin e tyre”, tha ndër tjera Gjinushi.
Kujtojmë se kandidatura e tij për këtë post ka nxitur mjaft reagime dhe polemika duke e quajtur si emërim politik me qëllim kapjen nga qeveria të këtij institucuioni.
Ndërkohë, gjatë ditës së sotme, anëtarët e Akademisë së Shkencave do të votojnë edhe për Sekretarin e Përgjithshëm, Sekretarin Shkencor dhe Kryetarin e Seksionit të SHNT-së.
Emrat e kandidatëve për këto poste janë si më poshte ku njësoj si Gjinushi, të tre garojnë pa kandidatë të tjerë përballë.
- Për Kryetar të ASH-së – Akademik Skënder Gjinushi
- Për zv/kryetar të ASH-së – Akademik Vasil S. Tole
- Për Sekretar Shkencor të ASH-së – Akademik Salvator Bushati
- Për Kryetar të Seksionit të SHNT-së – Akademik Neki Frashëri
- (F.GJ/FAXWEB.AL)
Discussion about this post