Tre persona janë arrestuar nga policia në Berat. Shtetasit A.l 24-vjeç, S.H 27-vjeç dhe L.H 22-vjeç akuzohen për vjedhjen e një makine tip ‘Benz’ në pronësi të një 22-vjeçari.
Materialet i kaluan Prokurorisë së Rrethit Gjyqësor Berat, për veprën penale ‘’Vjedhje e kryer në bashkëpunim’’.
Njoftimi i policisë
Nga Specialistët e Seksionit për Krimet u bë arrestimi në flagrancë i shtetasve:
A.L, 24 vjeç.
S.H, 27 vjeç, të dy banues në Çorovodë.
L.H, 22 vjeç, banues në lagjen ‘’Uznovë’’, Berat.
Arrestimi i tyre u bë pasi në bashkëpunim me njëri-tjetrin, në lagjen ‘’Çlirim’’, Çorovodë, kanë vjedhur mjetin tip Benz në pronësi të shtetasit A.S, 22 vjeç, banues në Çorovodë. Mjeti i vjedhur u gjet në një pikë skrapi në lagjen ‘’Uznovë’’ dhe u bllokua në cilësinë e provës materiale.
Materialet i kaluan Prokurorisë së Rrethit Gjyqësor Berat, për veprën penale ‘’Vjedhje e kryer në bashkëpunim’’, parashikuar nga neni 134/2 i Kodit Penal.
(J.D/Faxweb.al)
