Dy të rinj janë vënë në pranga dhe dy të tjerë janë shpallur në kërkim nën akuzën e vjedhjes së disa pajisjeve elektroshtëpiake në banesën e një 64-vjeçari në fshatin Zvirinë.
Ngjarja u shënua rreth një muaj më parë, por vetëm dje më 12 qershor, pronari i banesës kallëzoi vjedhjen në polici.
Detaje të policisë:
Specialistët e Seksionit për Krimet në Komisariatin e Policisë Maliq, bënë kapjen dhe ndalimin e dy shtetasve :
- Arnold Pashollari, 20 vjeç dhe Redion Kacellari, 21 vjeç.
Si edhe u bë shpallja në kërkim e dy shtetasve të tjerë :
- Y, 20 vjeç, të tre banues në fshatin Zvirinë dhe K.A, 20 vjeç banues në Tiranë.
Ndalimi i tyre u bë në bazë të urdhrit të Prokurorisë të Rrethit Gjyqësor Korçë, pasi në bashkëpunim me dy shtetasit e tjerë, dyshohet të jenë autorë të vjedhjes së disa pajisjeve elektroshtëpiake në banesën e shtetasit P.K, 64 vjeç, ngjarje e ndodhur para 1 muaji në fshatin Zvirinë. Sqarojmë se kallëzimi nga ana e pronarit të banesës, është bërë më datë 12.06.2017. Shërbimet e Policisë po punojnë për kapjen e shtetasve K.Y dhe K.A
Materialet në ngarkim të tyre i kaluan Prokurorisë të Rrethit Gjyqësor Korçë, për veprën penale : “Vjedhja e kryer në bashkëpunim” parashikuar nga neni 134/2 i Kodit Penal.
(XH.A/SHUPLAKA)
Discussion about this post