Detaje të reja zbulohen nga takimi i djeshëm në njësinë 5 në kryeqytet, ku prezantuan programin dy kandidatët për kreun e Partisë Demokratike Lulzim Basha dhe Eduard Selami. Mësohet se takimi i Selamit me demokratët është vonuar një orë dhe kjo ka sjellë përplasje mes tij dhe Ndriçim Babasit, që drejton këtë njësi.
Ky i fundit tha se ishte vonuar për shkak se i duhet të përcillte kandidatin Lulzim Basha, i cili po ashtu kishte qenë në këtë njësi.
“Vonesa ime lidhet me faktin që përcolla kryetarin”, ishin fjalët e Babasit.
Sakaq, filmimet e realizuara nga zyra e shtypit të PD-së nuk e kanë sjellë debatin e plotë, megjithatë duket se Eduard Selami duket i bindur në mundësitë e tij për të forcuar partinë, e cila duket në mjaft vështirësi pas zgjedhjeve të 25 qershorit.
“Kjo garë është e pa barabartë dhe s’mund të prodhojë një rezultat të drejtë”, tha Selami. Pavarësisht vështirësive, u shpreh Selami procesin e kanë në dorë demokratët që në 22 Korrik do të votojnë dhe garantojnë votën e tyre, në emër të demokratizimit të PD dhe ringritjes së saj. Së bashku do të jemi një parti e madhe shprese, pohoi Selami që këmbëngul në bërjen e një analize të thellë.
“Edhe këta fanatikët e statutit që shikoni tani, asnjë nuk hodhi firmën. U larguan sikur të kishte murtajë. Anëtari i Këshillit Kombëtarë që nuk hedh firmën, kur shkelet statuti dhe ka frikë. E kuptoni ku jemi katandisur? Këto janë fakte dhe realitet”., ka shtuar më tej ai. (D.D/Shuplaka)
Discussion about this post