Ethem Brahimaj, 79 vjeç u vra në shtëpinë e tij në Borsh para dy ditësh. Në media qarkulluan shumë versione në lidhje me shkakun e vrasjes, ku nuk munguan as versionet e konflikteve familjare, por nga Policia u etiketua si ngjarje për motive të dobëta.
Nipi i të ndjerit, aktivisti Adriatik Llapaj në një reagim në rrjetet sociale, ka shpërthyer në akuza kundër mediave. Sipas tij gjyshin e vranë pa arritur në arën e tij vetëm se do spërkaste rrushin dhe autorit mund ti ngordhinin dy dhi.
Po mediat sipas Llapajt pa u interesuar te familjarët kanë krijuar histori të denja për telenovela.
Reagimi i Adriatik Lapajt:
Miq të mitë, ndjej sot ngrohtësin e çdo mendimi tuaj për mua në këto orë të veshtira ku krimi mizor na mori babain e shtëpisë tonë të madhe.
Ju falenderoj pa masë në emër të familjes time!
Gjyshin tonë punëtor e sulmuan nga pas krahëve në derën e shtëpisë tonë ku kishte vreshtin e ku me djersë punonte.
Nga deklarimet gjatë marrjes në pyetje autori i këtij akti barbar thotë se e vrau gjyshin tonë se nga spërkatja e rrushit i rrezikohej ngordhja e 2 dhive.
Pse kështu o Shqipëria ime?!
Krenar për ty o mbreti zemrës time e arkitekt i ndershmërisë që më rrënjose!
p.s media kazan jep lloje soje versionesh pa referuar organet zyrtare të prokurorisë ose pa folur asnjë çast me familjen. Zoti ju ruajt familjet ju “gazetarëve” që i bini kaq shkurt e bëni lajme telenovel të paverteta se një ditë halja që keni ndërtuar do u kthehet për kokë…siç e them gjithmonë është vetëm çështje propabiliteti në këtë vend. (E.K/SHUPLAKA)
