Mëngjesin e sotshëm dy automjete në Lezhë janë djegur teksa kanë qenë të parkuara. Ndërsa njëri prej tyre mësohet se i përkiste kreut të Bashkisë së këtij qyteti Fran Frrokaj. Po çfarë ka deklaruar vetë kreu i Bashkisë në Polici pas ngjarjes?
Ai ka thënë se mjeti kishte shfaqur një problem të cilin e kishte neglizhuar.
“Nuk kam konflikte me askënd. Mjeti kishte ndezur një llambë defekti, e neglizhova problemin, nuk çova mjetin në servis”, ka thënë ai.
Po ashtu mësohet se mjeti ishte në pronësi të Bashkisë dhe jo të tijën personale. Grupi hetimor që ka mbërritur në vendin e ngjarjes nuk përjashton si mundësi as zjarrëvënien e qëllimshme ndaj mjeteve.
Informacioni i policisë:
Policia e Lezhes njofton se rreth ores 00:45, në Sallën Operative të Drejtorisë Vendore të Policisë Lezhë, ka ardhur një telefonatë se në lagjen “Besëlidhja” Lezhë, në parkingun e një pallati po digjen dy automjete.
Menjëherë kanë shkuar shërbimet e policisë dhe të zjarrfikëses të cilët kanë ndërhyre menjëherë duke fikur zjarrin.
Nga veprimet e para hetimore, rezulton se janë përfshirë nga flakët dy automjete të parkuara afër njëra – tjetrës, dhe konkretisht:
Automjeti Mercedes Fuoristradë ML me targë AA 400 JK në pronësi të shtetases Sh.P. dhe në përdorim nga shtetasi F.F., si dhe mjeti Mercedes Benz me targë LE 7495 E në pronësi të shtetasit K.Ll.
Grupi hetimor po vijon kryerjen e veprimeve në vendngjarje.
Janë marrë disa deklarime si dhe po bëhet keqyrja e kamerave përgjatë rrugës dhe në afërsi të vendit të ngjarjes me qëllim sqarimin e plotë të rrethanave të ngjarjes.
Gjithashtu po bëhet vlerësimi i rastit nga eksperti piroteknik me qëllim përcaktimin e shkakut të rënies së zjarrit.
(E.K/SHUPLAKA)
Discussion about this post