I vuri flakën sipërfaqes me bar dhe pemëve frutore, policia arreston 47-vjeçarin në Fier

Policia në Fier ka arrestuar një 47 vjeçar të shpallur në kërkim pasi ka djegur një sipërfaqe më bar dhe disa pemë frutore të një shtetasi. Mbi të rëndon akuza “Shkatërrim i pronës me zjarr”.

Burime zyrtare nga policia e Fierit bënë me dije se Bilbil Zaimi, banues në fshatin Metaj akuzohet se në datën 23 korrik ka djegur 6 dynym bar tërshëre dhe 30 rrënjë pemë frutore të shtetasit M.L, 66 vjeç, banues në fshatin Libofshë.

Materialet i kaluan Prokurorisë pranë Gjykatës së Shkallës së Parë Fier për veprën penale “Shkatërrim i pronës më zjarr”.

(B.H/Shuplaka)