I vuri zjarrin motorit dhe banesës, arrestohet 22-vjeçari në Maliq

Policia e Maliqit ka arrestuar një 22-vjeçar, i akuzuar për zjarrvënie.
Sipas njoftimit të Policisë, Ledian Shkëmbi, 22 vjeç, banues në fshatin Shkozë, njësia administrative Libonik, dyshohet se dje në Maliq për motive të dobëta, ka djegur me benzinë një motor në oborrin e banesës në pronësi të shtetasit H.P, 59 vjeç, me banim në Shkozë.
Si pasojë e zjarrit ne motor ka marrë flakë edhe banesa.
Materialet i kaluan Prokurorisë të Rrethit Gjyqësor Korçë, për veprën penale: “Shkatërrimi i pronës me zjarr”.