Tre persona të maskuar kanë rrahur barbarisht një 54-vjeçar nga Rrësheni, gjatë pasdites së sotme. Policia bën me dije se autorët, kanë qenë duke udhëtuar me një automjet tip “Audi” të bardhë, kur i kanë zënë pritë qytetarit Pal.B, në hyrjen e pallatit.
Sapo 54-vjeçari ka dalë nga banesa, personat me maska e kanë qëlluar me shufra hekuri, duke e lënë në gjendje të rëndë. Ai është dërguar me urgjencë në spital ndërsa autorët janë arratisur nga vendgjarja.
Ndërkohë policia ka nisur hetimet për të identifikuar dhe arrestuar autorët, si edhe për të zbardhur shkaqet e ngjarjes. Vijon… (D.D/Shuplaka)
