“Ia ka futur kot Basha me këto listat?”, Mimi Kodheli: Jozefina dhe Majlinda duhet të ishin aty

E ftuar në emisionin “Mos i fol shoferit”, ministrja e Mbrojtjes, Mimi Kodheli, është pyetur lidhur me emrat e demokratëve që Lulzim Basha la jashtë listës së kandidatëve për deputetë.

E pyetur se si i gjykon ajo listat e Bashës, nëse ai ia futi kot me këto listat, nëse ka bërë mirë që ish-deputetët nuk i ka kandiduar”, ministrja e Mbrojtjes, Mimi Kodheli u përgjigj:

“Nëse doni t’iu them ndonjë emër… që do të ishte dashur të ishte aty… patjetër… mund t’iu them dy emra, Jozefinën dhe Majlindën. Duhet të ishin aty.”

Më tej, e pyetur se “mos ndoshta Basha i kandidoi pasi ato ishin kundër çadrës”, Kodheli u përgjigj: “Demokracia prandaj ka ardhur.” Më tej, ajo rrëfeu se më simpati nga pala kundërshtare ka për Majlinda Bregun, Genc Rulin, ndër disa emra që ajo ka, ku ka nga ata që ajo i ka njohur shumë herët.

“Majlinda Bregu është politikane e zonja, grua e mençur, me karakter…”, u shpreh ministrja Kodheli.

(XH.A/SHUPLAKA)