Pas kountributit të tij mjaft të shquar në sportin e baskëtbollit por edhe në fushën e diplomacisë më në fund vjen vlerësimi për Agim Fagun. Në orën 12:00 në ambjentet e Presidencën u bë dekorimi nga ana e Presidentit Meta. Meta vlerësoi sportistin dhe diplomatin shquar Agim Fagu me Dekoratën “Gjergj Kastrioti Skënderbeu”.
Basketbollisti i njohur i viteve ’70, Agim Fagu, nuk do shkëlqente vetëm në parketin e fushës së basketbollit, por edhe në arenën e diplomacisë shqiptare. Fagu ka luajtur kryesisht me ekipin e Partizanit por edhe me Kombëtaren e meshkujve.
Diplomati i njohur do t’i futej politikës pas viteve ‘90, ku ai nuk do ngurronte të shpallej edhe kandidat për kreun e bashkisë së kryeqytetit.
Në vitin 1998 legjenda e basketbollit shqiptar emërohet ambasador i Shqipërisë në Mbretërinë e Bashkuar në Londër.
Ai qëndroi në këtë post për gati 7 vjet, nga viti 1998 deri në vitin 2005, dhe gjatë kësaj periudhe luajti një rol të madh në përmirësimin e marrëdhënieve midis dy vendeve si dhe lehtësimin e procedurave të vizave. Agim Fagu u largua nga posti i ambasadorit të Shqipërisë në Angli në vitin 2005.
(E.K/SHUPLAKA)
Discussion about this post