Zlatan Ibrahimoviç nuk është i njohur vetëm si një futbollist me një talent të jashtëzakonshëm por edhe për episode të ndryshme si në fushë ashtu dhe jashtë saj.
Së fundi Ibra në një rrëfim për “ESPN” ka treguar një nga çmenduritë e tij kur ishte 18-vjeç dhe kishte blerë një makina “Porsche Turbo”, për adrenalinë.
“Në lagjen time, nëse ke ndonjë lek, gjëja e parë që duhet të bësh është të blesh një makinë. Unë, 18 ose 19 vjeç, bleva një “Porsche Turbo”. Shpenzova gjithçka që kisha, madje mora edhe ca lekë borxh. Një ditë po ecja shumë shpejt dhe policia më bëri shenjë të hapja krahun.
Si mendoni ju, ndalova? Jo, nuk ndalova, e shtova shpejtësinë dhe ata më ndoqën deri sa në një moment gjeta një tunel në autostradë dhe u fsheha aty. Policët nuk e kuptuan. Prita që ata të kalonin dhe më pas ika. Nuk them se ishte e drejtë apo e gabuar ajo që bëra, por them se në atë moshë ke nevojë për adrenalinë”, tregon Ibra.
(B.H/Faxweb)
Discussion about this post