Kapiteni Icardi ka qenë edhe udhëheqësi për Interin për fitoren e 10 në Serie A këtë sezon, ku zikaltrit triumfuan 2-0 ndaj Atalanta-s në “San Siro” dhe u ngjitën të dytët pas Napolit.
Dy gola të shënuar nga sulmuesi argjentinas brenda 9 minutave në pjesën e dytë bën që Interi të sigurojë një fitore mjaft të rëndësishme ndaj një kundërshtari të vështirë si Atalanta.
Me këtë tre pikësh Interi shkon në kuotën e 33 pikëve, vetëm dy më pak se Napoli i vendit të parë, me 10 fitore, 3 barazime dhe asnjë humbje, pas 13 javëve të para.
Ziklatrit përfituan edhe nga humbja e Juventusit këtë javë në fushën e Sampdorias me rezultatin 3-2 për t’i marrë vendin e dytë.
