Gjigandi i transportit ajror low-cost, RyanAir, duket se ka një ide sa të çmendur aq edhe brilante; ti bëjë pasagjerët të udhëtojnë falas. Diçka të tillë e ka bërë të ditur drejtori ekzekutiv i kompanise irlandeze, Michael O`leary. ” Kam një vizion të tillë, se pas 5 ose dhjetë vitesh askush nuk do të paguajë asnjë dyshkë për të fluturuar me RyanAir”-deklaroi ai. Por si mendon kompania ta realizojë një ide të tillë? Nëpërmjet marrëveshjeve me restorantet, bar-kafetë dhe dyqanet që operojnë brenda ambienteve të aeroportit. Pra, që këto të fundit të ndajnë me kompaninë një pjesë të fitimeve, duke qënë se ata përfitojnë në mënyrë të drejtpërdrejtë nga kompania e fluturimeve. “Jemi në që ju sjellim klientët atyre, dhe tashmë aeroportet janë bërë si qendra tregtare. Prandaj mendoj që në të ardhmen, idea ime ka sens logjik. Ndoshta në fillim nuk do ta pranojnë të gjithë aeroportet apo kompanitë. Por ne dhe disa aeroporte të vogla ku ne operojmë mund të kenë interes”-shtoi ai. Për të realizuar idenë e tij, duhet që të eleminohen edhe një pjesë e tarifave aeroportuale. Një biletë e RyanAir në 2016 kushton mesatarisht 46 euro, ndërkohë që 20 euro shkojnë vetëm për taksat.
Ideja e çmendur e gjigandit të transportit ajror: Pasagjerët të udhëtojnë falas
