Regjisori Kastriot Çipi ka reaguar pas pretendimeve të aktorit Laert Vasili se ishte dhunuar nga aktivistët dhe artistët që protestojnë prej dy vitesh në mbrojtje të Teatrit Kombëtar, ku përmes një videoje dhe një fotografie denonconte dhunën.
Çipi shkruan përkrah dia fotove në Facebook se, Vasili ka më shumë shanse të hiqet si viktimë e dhunës për shkak të orientimit seksual, duke shtuar se mund të marrë edhe mbrojtje nga ndërkombëtarët.
Regjisori ka përgënjeshtruar akuzat e aktorit i cili tha se i kishin futur thonjtë në fyt, duke bërë analizën e fotos së Vasilit me proteza ortopedike në qafë, që sipas Çipit përdoret për thyerje qafe e jo për ngulje thonjsh.
“Idea nuk ishte e keqe. Fundja, dikush, që pas rrahjes është bërë ministër, mund të ketë aq mirëkuptim, sa të të bëjë drejtor teatri në Durrës.
Por realizimi le shumë për të dëshiruar… Proteza ortopedike përdoret për thyerje qafe, jo për ngulje thonjsh…
Dëgjo këshillën time: ke më shumë shanse nëse hiqesh si viktimë e dhunës për shkak të orientimit seksual. Të mbrojnë edhe ndërkombëtarët”, shkruan Çipi.
(F.GJ/FAXWEB.AL)
Discussion about this post