Seriali i hakmarrjeve në Elbasan mes dy familjeve Çapja dhe Mema, ku mbetën të vrarë disa persona mesa duket po shkon drejt zbardhjes. Sipas policisë është identifikimit një 25-vjeçar me inicialet SH.H, i cili dyshohet si autori i atentatit ndaj Florenc Çapjes në 6 maj të vitit të kaluar.
Po kështu në këtë ngjarje u plagos miku i Çapjes, Bledar Muça, si dhe një punonjëse policie e cila ishte rastësisht aty. Këto hetime janë të bazuara nga pamjet e kamerave të sigurisë së një biznesi aty pranë qartësuan, ku sipas tyre u bë edhe identifikimi nga pamjen fizike i një prej të dyshuarve, shkruan Tv Klan. Po ashtu hetimi i mëtejshëm i policisë, bazuar në deklarime dhe ballafaqime të dhënash e dëshmish, provoi autorësinë e të dyshuarit.
Sipas policisë thuhet se ajo ka prova të rëndësishme që dokumentojnë praninë në vendin e ngjarjes me 6 maj të vitit të kaluar në Elbasan.
Arrestimi i të dyshuarit, mund të sjellë edhe zbardhjen e atentatit të 6 majit, por edhe një zbardhje të serialit të hakmarrjeve mes familjeve Çapja dhe Mema në qytetin e Elbasanit. I njëjti person pritet të verifikohet nëse ka lidhje edhe me ngjarjen e 3 shkurtit të vitit 2016, ku mbetën të vrarë 4 persona dhe u plagosën rëndë shtatë persona nga familja Çapja dhe miq të tyre. (J.V/Shuplaka)
Discussion about this post