Me zbardhjen e dinamikës së ngjarjes të një dite më parë në Shkodër, është zbardhur edhe identiteti i autorit të dyshuar.
Ai është identifikuar si S. D. 29 vjeç, banues në Shkodër, i cili u arratis nga vendngjarja menjëherë pasi qëlloi me dy plumba biznesmenin Syri Mehmetaj.
Ngjarja ndodhi rreth orës 11:50. Bëhet e ditur se fillimisht i riu e ka kontaktuar të dëmtuarin, i cili ndodhej në një lokal në sheshin “Isa Boletini” duke e detyruar atë të dalë jashtë ambienteve të lokalit.
Mësohet se i riu është nisur me automjetin tip “Mercedes Benz” me targa AA888AT drejt vendngjarje dhe më pas ka qëlluar dy herë në drejtim të biznesmenit që po lëvizte me automjetin tip “Benz” me targa AA031NL ku ndodhej dhe bashkëshortja.
Dyshohet se shkak i këtij atentati është bërë një konflikt i mëparshëm mes dy personave. (XH.A/SHUPLAKA)
