Një trup i pajetë është gjetur mëngjesin e ditës së sotme tek zona e “Brrylit” në kryeqytet. Kanë qenë kalimtarët ata që kanë vënë re kufomën poshtë urës së Lanës.
Viktima është identifikuar si Hekuran Zeqo, 71 vjeç. Ai dyshohet të jetë vrarë për shkak të shenjave prerëse që i janë gjetur në trup. Burime të policisë kanë bërë të ditur se në dorën e viktimës është gjetur një thikë.
Grupi hetimor po punon për zbardhjen e plotë të ngjarjes.
