Është identifikuar viktima e parë e sulmit të shënuar dje në Manchester. Ajo është Georgina Callander 18 vjeçe, vajzë që vazhdonte studimet në “Runshaë College” në Lancashire. Ndërkaq, të afërmit e tjerë të të humburve gjatë sulmit, po përdorin të gjitha metodat për të mësuar më tepër rreth të rinjve të zhdukur.
Mediat ndërkombëtare bëjnë të ditur se është vënë në pranga një 23-vjeçar si i dyshuar për sulmin ku humbën jetën 22 persona dhe u plagosën mbi 50 të tjerë. Ky cilësohet si sulmi më i rëndë në Britaninë e Madhe që pas shpërthimit të 7 korrikut në vitin 2005, ku mbetën të vrarë 52 persona.
Hetimet vazhdojnë pas dyshimeve se bëhet fjalë për një sulm terrorist, por asnjë prej grupeve terroriste nuk ka marrë përsipër përgjegjësinë e sulmit.
(XH.A/SHUPLAKA)
