Zgjidhja e krizës politike derimë tani i ka dëgjuar të gjitha variantet. Duke qenë se pikat e para për arritjen e një marrëveshje të propozuara nga PDIU-ja nuk u pranuar Shpëtim Idrizi vjen me një tjetër propozim.
Gjatë një takimi të organizuar në Akademinë e Arteve me Forumin e Gruas të PDIU, Idrizi ka propozuar që ditën e hënë të mblidhen forumet e grave të PS, LSI, PD dhe PDIU që të zgjidhin krizën.
“Ky është propozimi i fundit i PDIU. Ne propozojmë që ditën e hënë të mblidhen forumet e grave që të zgjidhin krizën. Të jenë gratë ato që do të zgjidhin krizën, politikanët kanë dështuar. E kam vlerësuar përkrahjen e gruas në PDIU.
Ne u renditëm force e dytë politike në Tropojë e Delvinë, ku kryetaret e PDIU ishin gra. Sa herë gratë dhe vajzat kanë qenë në detyra publike ajo detyrë është realizuar më së miri.
Nuk mbaj mend të ketë pasur akuza për korrupsion për ministre gra, apo sjellje të deputeteve në parlament si ajo që kanë burrat”, tha kreu i PDIU, Shpëtim Idrizi. (E.K/SHUPLAKA)
Discussion about this post