Kreu i PDIU-së Shpëtim Idrizi, është shprehur kundër sondazhit të realizuar nga IPR Marketing. I ftuar në emisionin “Të Paekspozuarit” të gazetarit Ylli Rakipi, Idrizi është shprehur se janë totalisht spekulime rezultatet e sondazhit që e nxorrrën PDIU-në me 1.0% të votave dhe pa asnjë mandate deputeti.
“Aq sa kanë thënë ne kishim vetëm në hapjen e fushatës. Nëse do vazdhohen të bëhen sërish sondazhe të tilla, unë do kërkoj që ta heqin siglën e PDIU-së. Rezultatet janë totalisht spekulim.”, ishin fjalët e tij.
Më tej, ndërsa fliste për mandatet, Idrizi tha se pretendonte të fitonte 7 mandate në zgjedhjet e 25 qershorit.
“Ne do arrijmë të kemi një grup parlamentar, me 7 deputetë. Kjo është pritja jonë ne jemi fokusuar në Tiranë, Elbasan, Dibër, Tiranë, Durrës, Fier, Vlorë, Shkodër, Korçë. Unë nuk thashë që do i marr të gjithë këto por ne po punojmë fort në të gjithë territorin e Shqipërisë.
Përveç këtyre tradicionale, si rregull të gjitha partitë e tjera kanë dalë nga hatërmbetjet. PDIU nuk është e tillë por është nis në bazë të një kauzë që në gjithë rrugëtimin e vet, kujtoj se në 2004 shoqata ardhmëria kërkoi të bëhej një rezolutë në Parlament, janë rrahur disa anëtarë të komunitetit, kjo solli lindjen e PDIU-së.
Reforma administrative nuk kalonte pa 5 votat e PDIU. Pasi bëmë gjithë mundësitë, ishim pregatitur që interesi jonë të qe në Bsshkinë e Konisplot dhe të Himarës, pasi ishte fshirë, në e rikthyem pasi nga Greqia quhej si bashki minoritare.”, deklaroi Idrizi. (D.D/Shuplaka)
Discussion about this post