Kreu i PDIU-së Shpëtim Idrizi, në një takim me banorët e Elbasanit, ka deklaruar se kjo forcë politike që në fillim ka dashur që të garojë e vetme në zgjedhje dhe jo thjesht se kështu ndodhi pas protestave të opozitës.
“PDIU nuk ka kandidatë të importuar, por i ka qytetarë të Elbasanit që janë çdo ditë pranë halleve të qytetarëve. Ata janë njerëz që u kanë dalë për zot familjes së tyre dhe qytetarëve të këtij qyteti. Entuziazmi juaj është një obligim për ne. Ne kemi parë për 27 vet politikën shqiptare ku thonë se duhet të referojmë Shqipërinë. Ne u themi që ne radhë të parë duhet të reformojnë veten. Ne kërkuam që të garonim të gjithë më vete, në korsinë tonë. Korsia e PDIU është e atyre që e duan vatanin. Ne donim të garonim të vetëm në zgjedhje dhe prania juaj na bën optimist më shumë se kurrë, pasi PDIU nuk është një parti e vogël, por parti e madhe.”
Në këtë takim, Idrizi foli edhe për koalicionin paszgjedhor dhe deklaroi se do qeverisë me atë forcë politike që mendon si PDIU.
“PDIU nuk është si partitë e tjera që flasin për kauza, por sa vijnë në pushtet bëjnë pausa. Do qeverisim me atë forcë politike që mendon si ne, veç për një atdhe. Politika shqiptare ju ka lënë pa shpresë dhe të gjithë mendojnë të ikin, por unë mendoj se ky vend ka shpresë”- tha Idrizi. (D.D/Shuplaka)
Discussion about this post