Kreu i PDIU-së Shpëtim Idrizi ka deklaruar se në zgjedhjet e 25 qershorit kjo parti u penalizua nga kodi zgjedhor por edhe nga marrëveshja Rama-Basha.
Ai tha se nëse do të ishte pjesë e ndonjë koalicioni PDIU do të siguronte 7 mandate pasi ka marrë 76 mijë vota duke siguruar një rritje prej 30% të votave.
Në lidhje me mandatin e tij në Tiranë, të cilin nuk arriti për pak vota ta sigurojë, Idrizi tha se qarqe greke në Tiranë nuk ishin të interesuara që PDIU të kishte peshë në Kuvend, duke shtuar se nëse do të ishte në Kuvend do kërkonte interpelancë për bisedimet me Greqinë.
Idrizi konsideroi se Greqia po i avancon kërkesat e saj, ndërkohë që kjo po kalon në Shqipëri pa u ndjerë.
“Zgjedhjet e 25 qershorit Ishin zgjedhje të çuditme nga mënyra si hynë në zgjedhje partitë, ne patëm rritje. Ne u dënuam nga kodi zgjedhor por edhe nga marrëveshja Rama-Basha që nuk lejuan koalicionet. Ne siguruam vetëm tre mandate me 76 mijë vota dhe pati tendencë që PDIU të mos kishte më peshë të madhe për shkak të kauzave që kishim. Ishte dhe lojë e qarqeve greke që nuk e donin PDIU-në në Kuvend.
“Nuk ka ndryshuar ndonjë gjë e madhe, mungion dita e enjte në Parlament, por shumë nga çështjet që sot po kalojnë në heshtje ne do ti kishim ngritur fuqishëm. Pasi nga takimi u tha se thjeshtë kishin biseduar, ndërkohë që pala greke ka avancuar me kërksat e saj, ne do të kërkonim interpelancë”, tha Idrizi. (B.H/Faxweb)
Discussion about this post