Igli Tare në ‘garë’ me Atletiko Madrid, nis bisedimet për talentin që luan me Milanin

Interesimi i Lacios për Kutronen është çdo ditë dhe më tepër del në pah dhe bëhet akoma edhe më i vendosur.

Sipas “CalcioMercatto”, talenti i Milanit ka shprehur dëshirën për të luajtur më shumë, minuta që nuk i premtohen nga Gatuzo dhe nga Piatek.

Si pasojë, agjenti i lojtarit ka ngacmuar disa herë mediat me fjalët e tij për një largim të mundshëm.

Përveç Atletiko Madridit për të cilin flitej se ishte skuadra e interesuar për shërbimet e sulmuesit italian, në garë tashmë është futur dhe Lacio.

Igli Tare ka shprehur gatishmërinë që të hapë bisedimet me drejtuesit e Milanit, me të cilët ka raporte të mira. Bisedimet mes dy palëve pritet të kenë dhe një përgjigje pozitive për tifozëte  ekipit italian, pasi në rast se paguhen 30 milionë euro, Kutrone mund të vishet bardhekaltër.

(F.GJ/FAXWEB.AL)