Është liruar nga detyra Auron Tare, drejtori i Agjencisë së Bregdeteve. Vendimi është marrë që më datë 22 shkurt por lajmi është mbajtur në fshehtësi të plotë për rreth dy javë.
Dokumenti i lirimit të tij mban firmën dhe vulën e drejtores Albana Koçiu.
“Z. Auron Tare lirohet nga pozicioni Drejtor i Përgjithshëm i Agjencisë së Bregdeteve dhe regjistrohet anëtar i TND-së më shportë, në pritje për t’u emëruar në një pozicion të rregullt drejtues”, thuhet në vendimin e lirimit nga detyra që sipas Auron Tares ka ardhur me kërkesë të tij, shkruan newsbomb.
Nga ana tjetër jo më larg se mbrëmë Igli Tare, vëllai i Auron Tares dha një intervistë në ‘Porta a Porta’ ku doli hapur krah Ramës dhe dënoi shfaqet e protestës së opozitës. Nga ana tjetër, Auron Tare, njihet për natyrën e tij rebele dhe të thënit të kritikave hapur edhe ndaj eksponentëve të mazhorancës.
Kujtojmë ndërkaq se vëllai tjetër i Igli dhe Auron Tares, Agron Tare 3 javë më parë u emërua drejtor i Portit të Durrësit.
Discussion about this post