Kryetari i Kuvendit të Shqipërisë, Ilir Meta, u kthye sot në Kuvend për votimin e ligjeve në rend dite. Ai mungoi gjatë seancës plenare që nisi me vonesë këtë të enjte dhe që u drejtua nga nënkryetarja e Kuvendit, Valentina Leskaj, për të ardhur pas largimit të Ramës duke u shmangur kështu ballafaqimi i tyre.
Kryeparlamentari nuk ishte i pranishëm gjatë deklaratës së fortë të kryeministrit Edi Rama bërë sot nga foltorja e Kuvendit.
Ndër të tjera, Rama nuk i kurseu kritikat e tij ndaj parlamentit duke e shprehur se do të mbahet mend në historinë e Shqipërisë si parlamenti më qesharak.
Kreu i Qeverisë u shpreh se nuk donte të fliste mbi zgjedhjet, pasi reagoi dy ditë më parë, kur e ftoi opozitën në takim, të vendoste datën dhe orën, me apo pa aleatët e saj, duke dhënë kështu një përgjigje mbi deklaratat më të fundit të Bashës, por dhe Metës bërë nga Kryesia e LSI-së tri ditë më parë.
(XH.A/SHUPLAKA)
