IKMT nis shembjet në bregdetin e Golemit.Pronarët e subjekteve shprehen për Fax News se ne nuk jemi njoftuar. Pronarët e objektit refuzojnë prishjen pasi nuk janë paralajmëruar.
Një nga pronarët e një subjekti aty pranë është shprehur se është i pajisur me leje.
“Ne jemi të pajisur me leje, e ka lëshuar Elvis Rroshi. Domkumentacionin nuk e kanë marrë për bazë ata na thanë vetëm që të pastrojmë objektin, pa kurrfarë njoftimi paraprak, thjeshtë na është thënë se do bëhet shembja e objektit. Se nga kush është ky urdhër asgjë nuk dimë. Ka dhe objekte të tjera që po heqin po të njëjtën situatë si ne. Unë do të qendroj këtu bashkë me familjen dhe të afërmit e mi që ky objekt të mos shembet se e kam ndërtuar me djersë, të paktën pa një arsye ligjore. Të ndërhyjë kryeministri se nuk po dimë nga po vijnë këto urdhra. Unë kam bërë dhe një kallëzim në Komisariatin e Policisë në Kavajë, dhe nuk kam hequr asgjë nga objekti im. Nuk dimë nëse ka një plan rregullues, me informacinet që disponoj unë, nuk ka anjë plan rregullues në zonën tonë se duhet të ishim informuar.” u shpreh qytetari.
Ndërkohë përfaqësues të IKMT të pyetur për gazetaren e Fax News, Elitjona Doko janë shprehur se përgjegjesitë për dheniën e lejeve i mbajë bashkitë, për ne janë të kundraligjshme.
“Do bëhet spastrimi zonës. Pa favorizuar askënd. Edhe ata që janë me leje. Le të përgjigjen bashkitë si i kanë dhënë këto leje. Nuk është puna jonë kjo. Ne zbatojmë detyrën.”
(M.Q/Faxweb)
Discussion about this post