Vetëm një ditë më parë ajo festoi 84 vjetorin e lindjes së saj. Fjalën e kemi për Nexhmije Pagarushën, këngëtaren e cila njihet nga të gjithë si ‘Bilbili i Kosovës’ dhe si ‘Mbretëresha e muzikës shqiptare’.
Sytë ende i ndriçojnë dhe muzika për të ende është shumë e rëndësishme. Në rrjetet sociale ajo i ka falënderuar të gjithë për dashurinë e madhe që ka marrë ndër vite.
“Përshëndetje miqtë e mi të dashur! Sot festoj 84 vjetorin e lindjes, ju falenderoj jashtëzakonisht shumë për mbështetjen si dhe dashurinë e dhuruar gjatë tërë këtyre viteve”, shkruan këngëtarja me një nga zërat më të bukur të të gjitha kohërave.
Por nuk kanë qenë të pakta edhe urimet që i kanë ardhur asaj nga fansat dhe miqtë e saj, Mes urimeve të shumta, spikat dhe ai i artistes së njohur, Leonora Jakupi. Me një foto shumë të veçantë Leonora shkruan: “Gëzuar ditëlindjen mbretëreshë”. (J.V/Shuplaka)
Discussion about this post