Aventura e Mirel Josës me ekipin e Tiranës zgjati më pak se një sezon të plotë pasi dje u shkarkua dhe fatkeqësisht për të dhe klubin dha verdiktin më të keq të mundshëm, rënien në Kategorinë e Parë.
Tekniku kryeqytetas i mbledhur së bashku me miqtë e tij për t’u argëtuar në një kalceto ka bërë një prononcim të shkurtër për mediat lidhur me situatën në të cilën u përfshi gjatë edicionit.
Ai nuk ka dashur të japë shumë shpjegime, por është mjaftuar të lajmërojë se do flasë pas 2-3 ditësh.
“Unë do të flasë në momentin e duhur, sepse kam shumë që nga momenti që kam ardhur te Tirana që s’kam diskutuar mbi problemet që ka Tirana. Janë probleme të cilat unë nuk dëshiroj t’i agravoj më tepër. Gjithsesi do të prononcohem zyrtarisht pas 2-3 ditësh pasi për momentin nuk dëshiroj të flas për këtë çështje.” –deklaroi Josa për “supersport”. (E.K/SHUPLAKA)
Discussion about this post