“Il Volo” refuzon Trump: S’këndojmë për ata që bazohen në racizëm dhe ksenofobi

Tre italianët e rinj të “Il Volo” i kanë thënë “Jo” ftesës së Presidentit të ri të SHBA-ve, Donald Trump, për të marrë pjesë në ceremoninë e inaugurimit të tij si president.

“Nuk jemi dakord me idetë e tij”, është shprehur treshja që ka shpjeguar për “Corriere dellla Sera” arsyet e refuzimit.

“Ne nuk pajtohemi me idetë e tij. Nuk mbështesim ata që bazohen në racizëm dhe ksenofobi. Nuk duhet të penalizohen ata që do të këndojnë për Trump, si dhe ata që nuk do e bëjnë.”, janë shprehur Boschetto, Ginoble e Barone.

Treshja ka arritur një sukses të madh në SHBA me albumin e tyre, ndaj dhe nuk shqetësohen për pasojat e ndryshme që mund të ndjekin këtë vendim të tyre. “Ne mendojmë se e ardhmja jonë nuk varet nga kjo. Kush na do, do të na ndjekë gjithashtu.”, janë shprehur të rinjtë e “Il Volo”.

Ata nuk janë të vetmit që kanë refuzuar të jenë të pranishëm në ceremoninë e inaugurimit të Trump. “Lista e të famshmëve që i kanë kthyer krahët presidentit të ri nis me Kanye Ëest, me Justin Bieber, Bruno Mars, Katy Perry, Justin Timberlake, etj”, shkruan “Tgcom24”.

Ndërkaq, nuk dihet nëse Andrea Bocelli do të këndojë në “Shtëpinë e Bardhë”. Deri tani fansat që nuk e përkrahin prezencën e tij në inaugurim i janë bashkuar hashtagut #BoycottBocelli . (XH.A/SHUPLAKA)