Pak javë më parë ministria e Shëndetësisë vendosi mbajtjen e maskës me detyrim në ambientet e mbyllura. Masa u vendos nisur nga situata alarmante nga infektimet nga COVID në Shqipëri në muajin e fundit.
Ndërkohë që tashmë në kryeqytet sheh shumë qytetar me maska, mjeku Ilir Alimehmeti, ka ngritur shqetësimin për llojin e përdorimit të maskës për t’u mbrojtur ndaj virusit.
Mjeku ka publikuar një foto ku thekson se cilat janë maskat më eficente ndaj virusit dhe cilat kanë mbrojtje pothuajse zero.
Njëkohësisht Alimehmeti bën thirrje se jo çdo maskë të mbron dhe se duhet të përdoret maska e duhur në momentin e duhur, ose shton ai, lëreni fare.
“Qe ta kemi te qarte! Jo cdo maske mbron! Maska nuk eshte dordolec! Perdorni masken e duhur ne momentin e duhur, ose lereni fare ate muhabet! P.s: eficienca ndaj viruseve eshte linja e pare.”- shkruan mjeku.
(M.Q/Faxweb.al)
