Pas betimit të Presidentit të ri të Republikës Ilir Meta, ka reaguar analisti Ilir Kulla, i cili ka kujtuar deklaratat politike të disa muajve më parë nga disa aktorë politikë, që Meta nuk do bëhej dot president.
Kulla përmend analistin dhe gazetarin Baton Haxhiu, i cili më 1 korrik deklaroi se Meta nuk do bëhej president.
“Per Batonin dhe shoket e tij dhe teorite e tyre konspirative sipas te cilave Presidenti sdo mund te betohej. Pushime te mbara tani!”, reagon Kulla.
Gjatë mbrëmjes së soptme, pas betimit si president, Meta premtoi se do përpiqej të ishte një president mbi palët, pozitën dhe opozitën.
“Unë jam këtu për të mos bërë rolin e qeverisë e as të opozitës, çfarëdolloj opozite qoftë ajo, por për të zbatuar kushte e vend dhe për më të mirën e Shqipërisë, me një frymë bashkëpunuese larg polemikave të panevojshme. Për mua kryesore është transparenca dhe integriteti, në mënyrë që të rritet transparenca e institucioneve.”, ishin fjalët e Metës. (D.D/Shuplaka)
Discussion about this post