Ilir Meta dhe Petrit Vasili foto pak para ceremonisë së inaugurimit të presidentit të 45-të të SHBA-ve, Donald Trump.
Të veshur me pallto, duke pritur ceremoninë me mijëra pjesëmarrës, Meta është përkrah Vasilit, kreut të Grupit Parlamentar të LSI-së.
Inaugurimi i presidentit të SHBA-së është ngjarja më e rëndësishme në katër vite jo vetëm për amerikanët por për të gjithë botën. Fundja sot për sot, SHBA-të janë shteti më i fuqishëm në botë.
Në ceremoninë e inaugurimit të Trump, është i pranishëm edhe kreu i PD-së, Lulzim Basha. Nuk dihet nëse është rastësi por Meta dhe Basha kanë udhëtuar në të njëjtin avion për Uashington.
Ceremonia e betimit të presidentit të ri të SHBA-së Donald Trump do të fillojë më 11:30 të paradites së sotme sipas orës lokale (ose në 17:30 tek ne), ku ai do të marrë zyrtarisht postin dhe do të mbajë fjalimin e parë si president përpara popullit amerikan.
Ceremonia e betimit do të ndiqet nga parada e inaugurimit e cila do të fillojë më 15:00 sipas orës lokale (ose 21:30 tek ne). Parada do të nisë nga Pennsylvania Avenue dhe do të vazhdojë rrugën drejt Shtëpisë së Bardhë.
Presidenti Trump, zv. Presidenti Mice Pence dhe gratë e tyre do të marrin pjesë në tre ballo zyrtare mbi inaugurimin. Dy ballo do të zhvillohen në Qendrën e Konventës së Uashingtonit Walter.E dhe janë me biletë.
E treta është balloja e Shërbimeve të Armatosura te ndërtesa e Muzeut Kombëtar, ku vetëm personat e ftuar mund të marrin pjesë.
Në ceremoninë e betimit të presidentit, do të performojnë live Jackie Evancho dhe Rockettes.
Ceremonia e betimit do të shfaqet online në youtube, Facebook dhe Twitter. Ndryshe nga koncerti i Obamës që ishte i disponueshëm vetëm në HBO , ceremoninë e Trump do keni mundësinë ta shikoni live edhe online. (V.G/SHUPLAKA)
[ngg_images source=”galleries” container_ids=”867″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
