Analisti Shpëtim Nazarko, i ftuar në emisionin “Zonë e Lirë” të Arjan Çanit, është shprehur se kreu i LSI-së Ilir Meta, është më i fuqishmi kur është mes aleatëve të tij aktualë, mirëpo sërish si ai edhe Partia Demokratike varen nga njëra-tjetra.
“Unë besoj që qoftë fati i Ilir Metës, qoftë fati i PD-së janë të lidhur me njëri-tjetrin. Pse?! Sepse para dy muajsh, kreu i LSI-së tha se do hyjë në koalicion me atë që mund të bëhet i dobishëm. Mirëpo kjo deklaratë nuk ndryshohet. Ajo mund të jetë bërë në një çast jo të mirë, kur Meta përpiqej të qetësonte situatën.
Këtë deklaratë e kapi PD-ja dhe e futi brenda lojës së vet dhe është vështirë ta ndryshojë tanimë Meta. Ai është më i fuqishmi, por në rast se brenda këtij koalicioni mund të hynte edhe PDIU dhe FRD. Në këtë pozicion, pozicioni i Ilir Metës forcohet.
Në një moment, nëse PD nuk mbetet në zgjedhje, Meta ka një problem sepse i ngel borxh fjalia që thotë, se nuk do hyjë nëse nuk hyn as opozita.”, shprehet Nazarko.
Më tej, Nazarko e cilëson si qesharake, faktin që PD po e përdor këtë deklaratë në favor të vet.
“Ai është më i fuqishmi kur ai gjendet me aleatët e vet, e ka thënë edhe vetë këtë. PD e ka kapur këtë dhe kjo është qesharake mendoj unë.”, shton analisti. (D.D/Shuplaka)
Discussion about this post