Presidenti i Republikës, Ilir Meta ka reaguar para pak minutash për paketën anti-shpifje. Përmes një postimi në “Facebook”, Meta ka deklaruar se qeveria nuk duhet të shënojë më të tjera rekorde negative, por duhet të dëgjojë me vëmendje shqetësimet e gazetarëve.
“Shqipëria nuk ka nevojë për rekorde të tjera negative ndërkombëtare! Mjaft me nxitimin për t’i shtuar ato më tej! Shqetësimet e komunitetit të gazetarëve dhe të partnerëve tanë duhet të dëgjohen me shumë vëmendje dhe përgjegjshmëri! Pa media të lirë dhe të pavarur, rruga e Shqipërisë drejt Bashkimit Europian është e pamundur!”, ka shkruar Ilir Meta.
Prej disa ditësh paketa anti-shpifje ka ngjallur një debat të madh, ku gazetarë, analistë, por edhe përfaqësues ndërkombëtarë kanë dalë kundër dhe kanë kritikuar qeverinë për projektligjin.
(M. I./ Faxweb.al)
Discussion about this post