Zëdhënësi i Presidentit, Tedi Blushi ka njoftuar se në përgjigje të kërkesës së Këshillit të Lartë të Prokurorisë, dhe në bashkëpunim me drejtuesin e tij, Ilir Meta do të organizojë ceremoninë e betimit të 8 prokurorëve të emëruar në Prokurorinë e Posaçme.
Blushi bën me dije se ceremonia do të zhvillohet me datën 19 Dhjetor në orën 09:30
“Presidenti i Republikës, Sh. T. Z. Ilir Meta, në përgjigje të kërkesës së Këshillit të Lartë të Prokurorisë dhe në bashkëpunim me Kryetarin e KLP-së, z.Gent Ibrahimi, në mbështetje të nenit 61 pika 2 të ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë” të ndryshuar”, ditën e enjte, në datën 19 dhjetor 2019, ora 09:30, organizon ceremoninë e betimit të 8 (tetë) prokurorëve të emëruar në Prokurorinë e Posaçme (SPAK)”, shkruan Blushi.
