Ministri i Drejtësisë Petrit Vasili, i ftuar në emisionin “Kjo Javë” të gazetares Nisida Tufa, ka folur për situatën politike në vend dhe për zgjedhjet që po afrojnë.
Së pari ai bën me dije se emri i tij do jetë në listën e garuesve, listë e cila sipas tij është e përfunduar. Thjesht po rregullohen detajet e fundit.
“Sigurisht që LSI e ka përvijuar listën e saj, po bëhen korrigjime të fundit. Por sigurisht që do të garoj dhe kjo nuk është suqprizë. Do ishte surprizë e madhe po të thonim që unë nuk jam pjesë e garës.”, është shprehur Vasili.
Ai ka folur gjithashtu edhe për çështjen e propozimit të tyre lidhur me Partitë Popullore, për të ktijuar mirëbesim tek opozita.
“Edhe ky moment ku ne propozuam, për t’ju drejtuar Partive Popullore, thënë thjesht për grupin e partive të djathta dhe europiane, ishte për të krijuar një klimë mirëbesimi, dhe sigurisht për PD-në që është brenda këtyre partive. Kompnentë të këtyre partive e kanë mbështetur PD-në duhet ta themi. Besoj se Ilir Meta me këtë kërkesë bën një hap pozitiv për t’i shërvbyer dialogut.”, shprehet ministri.
Gazetarja gjithashtu e ka pyetur lidhur me deklaratat që janë bërë nga eksponentë të LSI-së që kryeministër të bëhet Meta, duke përmendur mes tyre Klajda Gjoshën. Vasili nuk e ka mohuar një gjë të tillë dhe ka deklaruar: Unë e kam parë që i kemi reklamuar fort këto deklarata dhe jam shumë i lumtur për këtë, kanë qenë deklarata në punë shumë të mira.
LSI është një forcë politike që hyn në zgjedhje për të fituar, ka pasur gjithnjë ambicie dhe jashtë kësaj pune të palodhur që bën çdo ditë LSI s’do ishte këtu ku është, pra një forcë përcaktuese në qeverisje, por do ishte një parti humbëse. Natyrshëm LSI do punojë, absolutisht vendimin do e mbajnë votuesit tanë. Do presim çfarë do vendosin ata pastaj do marrim vendimin se çfarë do kërkojmë”. (D.D/Shuplaka)
