Besnik Muçi, në një dalje për mediat ka folur pas vendmit të Kolegjit të Posatshëm të Apelimit, i cili e shkarkoi nga detyra, ndërkohë që më herët ishte dekretuar nga ana e presidentit Meta si anëtar për Gjykatën Kushtetuese.
Muçi listoi edhe arsyet për të cilat KPA vendosi që ta shkarkoje, ndërkohë që sipas tij i ka arsyetuar të gjitha ankimimet që ka kryer.
Muçi shtoi se mëkati i tij i parë është që kandidoi në Gjykatën Kushtetuese; Mëkati i tij i dytë është se Ardian Dvorani e listoi të tretin në listë, për vakancat e Presidencës dhe Kuvendit dhe mëkati tjetër është se u ëmërua nga Ilir Meta si anëtar i Gjykatës Kushtetuese.
“Më thoni kush është ai qytetar shqiptar, pasuria e të cilit mos ketë probleme të natyrës së qindra mijërave lekë, unë e kam thënë jam bërë vet prokuror, kam konkuruar dhe kam ushtruar 17 vjet profesionin me përkushtim korrektesë duke zbatuar ligjin pa asnjë masë disiplinore dhe mëkati i vetëm është që bëra para nja dy vjetësh, që ata që janë marrë me analizën e shqyrtimin, dhe autoritetet e ambasadës amerikane, mëkati i vetëm se aplikova për anëtar të Gjykatës Kushtetuese.
Mëkati tjetër e bëri zoti Dvorani më listoi i treti në listë, për vakancat e Presidencës dhe Kuvendit.
Mëkatin tjetër e bëri Presidenti Meta që më emëroi anëtar të Gjykatës Kushtetuese. Ku qëndron problemi im në këtë lloj situate, cfarë mund të bëj një jurist që ka besim te institucionevet e vendit të tij dhe kërkon të bëjë karrierë duke respektuar dhe procedurat institucionet?”- deklaroi Muçi.
Besnik Muçi përsëriti për gazetarët edhe njëherë arsyet për të cilat vendosi që Kolegji i Apelimit ta shkarkojë.
“Procesin tim të rivlersimit sidomos në këto katër muaj të fundit kemi krijuar të gjitha provat dhe është prezantuar në mënyrë të turpshme publikut perverse. I tregoi publikut shqiptar që është e lidhur me shkaqet e vendimit. KPA është i lidhur me të drejtë më këto shkaqe.
Më lejoni tu sqaroj qytetarët është diferencat financiare të katër viteve në shumë 6 milionë lekë të vjetra. Të llogritura nga KPK të pranuar në kundërshtim të qartë me ligjin.
Shkaku i dytë i ankimit është mosdeklarimi i tokës bujqësore që bashkëshortja ime ka marrë në pronësi. Në momentin e shitjes së tokës bujqësore. Është një pasuri me burim të ligjshëm dhe KPA e mori si shkak.
Shkaku tjetër ankimit ka qenë mosdeklarimi i një banesë të ndërtuar në 1988 nga familja e bashkëshortes time, e ndërtuar nga prindërit e saj. Ai truall ka vlerë 200 mijë lekë. Një shkak për ankimi për 400 mijë lekë. Kolegji apelimi e konsideroi dhe këtë shkak.
Hua e marra nga familja, hua e marrë nga babai dhe motra ime me shume 500 mijë lekë të vjetra. Të cilat unë i provova tej çdo dyshimi. Familja ime ka pasur të ardhura të tjera. KP edhe këtë nuk e pranoi. Ky shtetasi A.L me një shtetas i dënuar, dhe çështja e tij është pushuar. Unë kam marrëdhënie për shkak se banojmë afër. Me pak fjalë këto ishin shkaqet për të cilat ky kolegj i nderuar më shkarkoi. Kam qenë tepër i ngarkuar emocionalisht, ndërkohë që sot jam çliruar. ”- u shpreh Muçi.
(M.Q.Faxweb.al)
