Ilir Meta me të rinjtë në Pezë, thumbon Ramën: U lodhën shqiptarët…

Kreu i LSI-së, Ilir Meta, është ndalur edhe në Pezë ku është takuar me të rinjtë dhe u është bashkuar lojërave të tyre.

Duke vënë theksin tek mbështetja e Lëvizjes Socialiste për Integrim ndaj të rinjve, ai nuk i ka rezervuar thumbat lidhur me të inkriminuarit në Kuvend.

Në fjalën e tij, kryetari i LSI-së ka bërë thirrje që të mbështeten sa më shumë të rinj e të reja në parlament, pasi shqiptarët u lodhën duke dëgjuar për njerëz me rekorde kriminale.

“Tani kemi zgjedhjet e 18 qershorit, duam një mbështetje nga gjimnazistët dhe të rinjtë e Tiranës, jo vetëm për LSI që ka mbrojtur të drejtat e maturantëve, studentëve, por duam sa më shumë mbështetje që sa më shumë të rinj dhe të reja të jenë në parlament.

U lodhën shqiptarët duke dëgjuar se edhe ky deputet doli me rekorde kriminale se edhe ky deputet qenka marrë me trafik prostitucioni në Itali, apo Zvicër”,- është shprehur Meta.

(XH.A/SHUPLAKA)