Kreu i Shteti Ilir Meta deklaroi nga durrësi se sa i përket qështjes së Teatrit Kombëtar është shprehur qartë, por adresoi edhe një thirrje për Ramën, Bashën dhe Kryemadhin të cilët I quajti “3 artistët” duke thënë që të mundësojnë hapjen e negociatave në Tetor dhe të zgjidhin krizën.
“Besoj jam shprehur qartë dhe në mënyrë të vazhdueshme edhe për padinë ndaj ligjit për Teatrin Kombëtar në Gjykatën Kushtetuese. Por ajo çfarë na shqetëson më shumë është ky teatri politik absurd i cili kërcënon që Shqipëria të ketë mundësi të çel negociatat në Tetor. Prandaj iu bëj thirrje të veçantë 3 artistëve që të marrin të gjitha masat, sepse qytetarët kanë nevojë të kenë qetësi, normalitet dhe qeverisje vendore të ligjshme që jep llogaridhënie për të gjitha shqetësimet e tyre. Zgjedhjet vendore të 13 Tetorit nuk është se zgjidhin gjithçka por është një mnyrë ligjore dhe kushtetuese dhe është përgjegjësi e kryeministrit për t’i pranuar dhe punuar për zhvillimin e tyre”, tha Meta.
Presidenti theksoi edhe rolin e tij në zgjidhjen e krizës, mundësimin e dialogut politik por edhe bëri kritika ndaj veprimeve të opozitës për të cilën tha se kishte mundësi për të mos arritur në këtë pikë.
“Meqenese Shqipëria përgatitet të marrë kryesimin e OSBE vitin e ardhshëm, i kërkoj për të negociuar me të dy palët për një zgjidhje të shpejtë, pasi nuk kemi kohë, jo vetëm për të parandaluar përshkallëzimin e situatës së pafavorshme për qytetarët por edhe për një vend që duhet të jetë shembull për funksionimin e institucineve demokratike.
Kam insistuar për dialog të qëndrueshëm politik jo për diversion, apo demagogji, por që të rivendoset normaliteti i demokracisë në vend dhe të funksionojë kontrolli e balanca mes pushteteve dhe llogaridhënia. Kemi sot një shumicë që kontrollon gjithçka, një situatë jashtëzakonisht kaotike në gjithë drejtimet dhe kjo është përgjegjësi e palëve politike në vend, nuk shfajëson asnjë edhe opozitën, se opozita i ka pasur të gjithë mundësitë për të parandaluar me propozime me këmbë në tokë e të përgjegjshëm shumë nga marrëzitë që kanë ndodhur në drejtim të skenarit të qartë të kapjes së institucioneve në vend.
Opozita ka pasur mundësinë e padiskutueshme për të bërë propozime me këmbë në tokë për të mos arritur në këtë pikë. Por nga ana tjetër, dy rrugë nuk mund të ndiqen, deligjitiimimi i institucioneve dhe kapja e tyre”, tha Meta.
“Kryeministri të lërë presionet dhe shantazhet ndaj institucioneve duke penguar zbatimin e dekretit të presidentit dhe të tjerët të bëhën gati të marrin pjesë në zgjedhjet vendore të 13 tetorit”- tha Meta, duke njoftuar se ka bërë gati për ti dërguar një letër Sekretarit të OSBE , por edhe kreut të ardhshëm të OSBE.
(F.GJ/FAXWEB.AL)
Discussion about this post