Teksa lideri i AAK-së, Ramush Haradinaj vijon të jetë në paraburgim, mësohet se kryetari i Kuvendit të Shqipërisë, Ilir Meta, ka udhëtuar drejt Prishtinës.
Gjatë qëndrimit të shkurtër në Prishtinë, mësohet se Meta do të zhvillojë një takim me zyrtarë të Aleancës për Ardhmërinë e Kosovës në selinë e kësaj partie.
“Kryetari i Kuvendit të Shqipërisë, Ilir Meta, sot do të vizitojë AAK-në. Ai do të takohet me zyrtarët e kësaj Partise, në Selinë Qendrore të AAK-së, në orën 15:00.”, bëjnë me dije mediat kosovare.
Kryetari i AAK-së, Ramush Haradinaj u arrestua katër ditë më parë në Bazel të Zvicrës nga autoritetet franceze, të cilat iu referuar një urdhër-arresti lëshuar nga Serbia. (XH.A/SHUPLAKA)
Discussion about this post