Dy ditë pas 19-vjetorit të vrasjes së Azem Hajdarit, presidenti i Republikës, Ilir Meta zhvilloi sot pasdite një vizitë në familjen e ish-liderit të Lëvizjes së Dhjetorit, Azem Hajdari.
Gjatë kësaj vizite, presidenti Meta vlerësoi rolin historik të Hajdarit në frymëzimin e Lëvizjes Studentore dhe Lëvizjes së Dhjetorit duke çelur një epokë të re për Shqipërinë.
Po ashtu, Meta dhe familjarët e Hajdarit, duke filluar nga gruaja Fatmira, djemtë Kiri dhe Azemi kanë realizuar një fotografi për ta mbajtur kujtim nga kjo vizitë. E pranishme në foto është edhe vajza e të ndjerit, Rudina Hajdari, e cila këtë vit është deputete në Parlament, duke ndjekur kështu gjurmët e të atit.
Kujtojmë se Azem Hajdari ishte deputet i Partisë Demokratike të Shqipërisë që nga viti 1991 e deri sa u vra në shtator të vitit 1998. Ai njihet si lideri i Lëvizjes së Dhjetorit.
Që pas ardhjes në pushtet të Partisë Socialiste të Shqipërisë në vitin 1997, Azem Hajdarit iu bënë disa atentate, derisa ai i 12 shtatorit të 1998-ës i dha goditjen përfundimtare. Ai u vra pabesisht para selisë së Partisë Demokratike nga drejtues të Komisariatit të Policisë të Tropojës.
(D.D/Shuplaka)
[ngg_images source=”galleries” container_ids=”2778″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post