Ilir Shaqiri e quajti palmë, Aulona flet për sherrin mes Gracianos dhe kryetarit të jurisë

Debati i saj dhe partnerit Graciano Tagani me kryetarin e jurisë së “Dancing with The Stars” Ilir Shaqiri në një nga netët e spektaklit u pasqyrua gjerësisht në media.

E ftuar në BOOM, Aulona Musta, tha se komenti i Ilirit lidhur me performancën e kërcimit të saj nuk ishte i duhuri por se e mori me sportivitet.

 “Juria është aty për të na kritikuar, dhënë mendimin e tyre. I vetmi debat i ashpër që Graciano pati me Ilir Shaqirin ishte kur më tha palmë.Graciano u ofendua shumë që partneres së tij i tha palmë, dru. Nuk është shumë bukur. Ai tha duhet të lëvizësh pak më shumë se dukesh më shumë si palmë sesa si balerinë samba. Gjithësesi mua më pëlqeu sepse gjatë gjithë javës vazhduam me këtë. Filluan njerëzit të më thërrisnin palma, ishte gallatë.”