I ftuar në studion e Fax News për të folur për projektin e ri të Teatrit Kombëtar, aktori Artan Imami u shpreh mjaft entuziast për të.
“Njeriu përfiton emocione kur sheh një projekt të tillë, për mua është një vepër jashtëzakonisht e bukur, ajo zonë është në një prej vendeve nga më të lakmuarit të Tiranës.
Futet brenda një kompleksi që ka ajër ka frymë, ka linja moderne, ka qarkullim të madh njerëzish dhe ka për ta kthyer teatrin në vendin më të bukur të Tiranës.”
I pyetur nga gazetari Bledian Koka mbi akuzën ndaj studios për plagjiaturën e projektit, Imami iu përgjigj jo pa ironi se “nëse një emër i madh i arkitekturës si studioja Bjarke Ingels Group, që po ndërton stadiumin e ri Barcelonës dhe ridizenjimin e Qendrës Botërore Tregtare në Nju Jork i paska pëlqyer kaq shumë ideja sa u bë hajdute, aq më shumë duhet të këmbëngulim që të bëhet ky projekt, sepse duhet të jetë shumë i mirë”.
Imami tha se godia aktuale e Teatrit Kombëtar është një kapanon i gjatë që ka një ballinë si ato të Durrës-Tiranë,
“Si godinë, ajo është një turp.” – tha Imami.
“Kam qenë I vetmi që kam mbështetur mikun tim të asaj kohe, Edi Ramën, kur erdhi me idenë për ta shembur teatrin dhe për të ndërtuar një të ri. Në atë kohë, isha i vetmi që e ka mbështetur që ajo ndërtesë duhet të shembej përfundimisht e të ngelej vetëm në memorien tonë për veprimtarinë kuturore e njerëzore në tre breza.
Pala tjetër ka shpërthime emocionale, pa ndonjë sens të caktuar. Ka dhe njerëz që bëjnë garë kush thotë budallëkun më të madh, po kjo është puna e tyre. Disa janë të sponsorizuar për të protestuar nga Partia Demokratike.
Projekti është i mrekullueshëm. Për mua do të ishte një ëndërr që t’ia arrija të luaja në këtë shtëpi të re të kulturës.” – tha Imami në studion e Fax News.
(E.L/Faxweb)
