Në pallatin e panaireve në Genova u zhvillua ceremonia shtetërore për 18 nga viktimat e shembjes së urës “Morandi”. Pavarsisht se bilanci tragjik i viktimave ishte një shifër tejet e lartë, rreth 42 të vdekur, shumë prej familjeve të të ndjerëve nuk pranuan që të bëheshin pjesë e ceremonisë.
Në ceremoni folën edhe përfaqësues të kumuniteteve fetare, midis tyre edhe një imam, përfaqësues i komunitetit mysliman në Genova, i cili bëri lutjen dedikuar dy shqiptarëve Edi Bokrina, 28 vjeç dhe Marius Djerrit, 22 vjeç, të cilët ishin mes viktimave të tragjedisë në Genova, shkruan ‘Republica’.
“Genova, e cila në arabisht do të thotë ‘e bukura’, do të dijë të ringrihet përsëri. Bashkësitë islame luten për paqe me të gjithë ju. Zoti mbroftë Italinë dhe italianët”.
(J.D/Faxweb.al)
