Ndërtimi i impjantit të mbetjeve në Verri është kundërshtuar fort nga banorët e kësaj zone. Fillimisht kryeministri Rama u duk se u tërhoq, ndërkohë që jo më larg se dje në një koment në rrjetet sociale shprehej se impianti do të ndëertohet dhe se banorët nuk kanë asnjë arsye të protestojnë.
Ndërkohë këta banorë përgjigjen sërish sot kryeministrit duke i shtruar edhe një listë me pyetje.
- Si ka mundësi që impjanti në Elbasan ka kushtuar sa gjysma e kostos mesatare që këto projekte kanë në Europë? Nga 50mln euro në 21 milion? A mos vallë keni kursyer para te filtrat dhe mekanizmat e pastrimit të ambjentit të cilët përbëjnë 40% të kostos?
2. Si ka mundësi që ndërtohet një impjant me kapacitet 150 ton në ditë kur Elbasani nuk mund të prodhojë më shumë se 40 ton në ditë mbetje?
3. Si ka mundësi që aksionerët e kompanisë në Elbasan janë të njëjtët me ata në Fier dhe Tiranë?
4. Si ka mundësi që kompania që po ndërton impiantet është rregjistruar vetëm në 2014 dhe një muaj më pas ka kërkuar koncesionin të cilin ti ja ke miratuar?
5. Si ka mundësi që Klodian Zoto, i cili fshihet mbas aksioneve te kompanisë, merr koncesionin për impiantin ndërkohë që deri në 2014 zotëronte vetëm një dyqan të vogël kompjuterash?
6. Kush është Stela Godoli?
Kaq për sot. Në ditët që vijojnë do kemi edhe më shumë pyetje por edhe më shumë përgjigje nëse ti refuzon ti japësh ato. Ndërkohë të jesh i sigurtë se në Verri impianti do ndërtohet veç nëse mjetet shkelin mbi trupat e banorëve. (E.K/SHUPLAKA)
Discussion about this post