Lista e kandidatëve nga Shqipëria për në Gjykatën e Strasburgut është zbardhur. Ajo që vihet re është se është hequr nga lista emri i ish-kryeprokurores Ina Rama, raporton Ora News.
Ndërsa kandidojnë sërish Gent Ibrahimi dhe Sokol Berberi dhe në këtë garë janë dhe Aleksandër Muskaj, Asllan Karaj dhe Aurela Anastasi.
Në shtator Gent Ibrahimi, Sokol Berberi dhe ish-kryeprokurorja, u skualifikuan nga Këshilli i Europës, si kandidatë për gjykatës në Gjykatën Europiane.
Emrat e Ina Ramës, Gent Ibrahimit dhe Sokol Berberi nuk ishin hedhur në votim sepse skualifikimi ishte bërë nga Komisioni i Seleksionimit pranë Sekretarit të Përgjithshëm të Këshillit të Europës dhe arsyet zyrtare lidhen me procedurën e përzgjedhjes dhe shkeljen e afateve te dorëzimit të emrave të kandidatëve shqiptarë.
Mandati i gjyqtarit është për një afat prej 9 (nëntë) vjetësh dhe mbaron pas përfundimit të këtij afati ose kur gjyqtari arrin moshën 70 vjeç.
Discussion about this post